Молитва о прощении грехов Богородице «Благодатное Небо»

Православная молитва о прощении греховПравославная молитва о прощении грехов перед иконой Пресвятой Богородице «Благодатное Небо».

Её молятся о наставлении на путь, ведущий ко спасению души и к наследию Царствия Небеснаго, о рае.

Если вас затянула пучина грехов и страстей, молитесь о прощении и нисхождении Божьей Матери — и если молитва будет искренней, то Богородица походатайствует за вас перед Богом: ведь сейчас между вами и Ним толстая стена ваших грехов.

Молитва от грехов и избавлении от грешного образа жизни

Иконе Пресвятой Богородицы

«Благодатное Небо»

6/19 марта — день памяти

Тропарь, глас 6

Что Тя наречем, о Благодатная?
Небо — яко возсияла еси Солнце Правды; рай — яко прозябла еси Цвет нетления; Деву — яко пребыла еси нетленна; Чистую Матерь — яко имела еси на святых Твоих объятиях Сына, всех Бога.
Того моли спастися душам нашим.

Молитва

Что Тя наречем, о Благодатная Богомати Богоотроковице, Пренепорочная Марие?

Киими песнопении возвеличим Тя, возвеличенную Небом и землею, Ангелами и человеки?

Явися бо на Тебе неслышанное от века на земли и несведомое Ангелами на Небеси таинство, паче ума и слова, вочеловечения Бога Слова, рожденнаго съискони от Безначальнаго Отца без матери и воплощеннаго в Твоей утробе и с нетленною печатию девства Твоего родившагося.

О, чудо всех древних и новых чудес!

Непреложное слово Самаго Бога о победоносном семени жены исполнися и совершися в Безмужней Деве.

О, неизмеримая глубина премудрости и величия Божия!

Киими имены наречем Тя, о Невеста Неневестная?

Зарею ли наречем Тя восходящаго на небе солнца?

Но Ты — самое Небо, из Тебе бо воз сия Солнце Правды — Христос Бог наш, Спаситель грешных.

Именуем ли Тя вратами, вводящими в потерянный прародителями рай, обиловавший всеми благами?

Но Ты Сама еси благодатный рай, произрастившая Цвет нетления, врачующий и отгоняющий смердение греха и зловоние прародительскаго тления.

Наречем ли Тя юною Непорочною Девою, не познавшей брака?

Но Ты и до старости пребыла Неискусобрачною и девственною до рождения, и в рождении, и по рождении Сына пребыла еси.

Наименуем ли Тя Чистою и Святою Мариею, превозшедшею Своею чистотою всех матерей и праматерей?

Но Ты не токмо родила Того Младенца Христа, но и носила Его при Своих персех и питала Твоим матеро девственным млеком, Того, Иже питает всякое создание, Емуже со страхом и трепетом предстоят Небесныя силы и Его же хвалит всякое дыхание и тварь.

О, воистинну Ты дивная еси в женах, чудная в девах, неподражаемая в матерех!

К Тебе пред Твоим Божественным ликом припадаем и пред Твоими святыми стопами повергаем и слагаем все наши мысли, желания, намерения и чувства.

Освяти их Твоим Богоматерним призрением и вознеси их, яко жертву нашего смиреннаго сердца, яко малоценную лепту нашей духовной нищеты, к Престолу Сына Твоего, Спасителя нашего, да имиже весть судьбами управит наш путь ко спасению и наследию Царствия Его, не имущаго конца во веки веков. Аминь.

Поделитесь с друзьями!

0

Вы можете пропустить чтение записи и оставить комментарий. Размещение ссылок запрещено.
Комментарии:

1 комментарий к записи “Молитва о прощении грехов Богородице «Благодатное Небо»”

  1. Ирина Т.:

    Спасибо огромное за молитву!

Оставить комментарий